La rintrada es passada, totes an tornat prene le camin de l’escòla o del trabalh e coma cada an, dempuèi qualques annadas, dins mantuna vila en França, quitament a París, les occitans son a organizar una fèsta a l’entorn de las lenga e cultura occitanas

Dempuèi 2019, le pichon vilatjòt de Volvèstre, Montbrun Boscatge es dintrat dins la tièra de las vilas organizairas de la dictada occitana. Al programa donc la dictada, una cantèra, un bon repeish, tres cantairas e tres musicaires.

D’en primièr, cal causir le tèxte. Ongan, un eveniment a guidat la causida. Le 27 de mai venent, Andrieu Lagarda festejarà 100 ans; èra evident que le caliá botar a l’onor en causissent un passatge de son libre Sinèra e la mòstra d’òr. L’istòria d’un òme del pòble , un òme ordinari que visquèt doas mitats de sègles abans e aprèp 1900. Dins les ans 1950, Andrieu li teniá companhiá al pè del fòc en fulhetant la siá memòria coma un libre. Quaranta ans mai tard, botèt en forma aqueles testimoniatges per ne fèr un libre.

Andrieu Lagarda  nasquèt a Belestar, en País d’Òlmes. A consacrat sa longa e rica vida a la transmission de l’occitan, regent, conselhièr pedagogic d’occitan, jornalista de premsa escrita a La Dépêche, de ràdio, de television, escrivan de contes, de racontes, fargaire de diccionaris, de recuèlhs de provèrbis, reviraire e subretot collector de la memòria dels membres de la siá familha. Engatjat dins las associacions de defensa de l’occitan coma le CRÈO, le Cercle Occitan de Carbona e de Volvèstre, l’IEO, la calandreta del País Murethin, sense doblidar sa preséncia a l’EOE de Vilanòva d’Òlt. Una òbra giganta que s’amerita plan un bèl omenatge!

Transmission de la lenga per que la cadena s’arrèste pas en camin. Les professors, les calandrons, les musicaires, les cantaires de la novèla generacion an embordat aquel eiretatge, semenant las granas un pauc pertot dins las escòlas, dins las manifestacions de tota mena.

Dins la serada del 25 de genièr, aurem una polida illustracion d’aquela transmission amb las tres Esteletas que cantaràn e le grop Toti Tres que nos farà dançar.

Dictée Occitane samedi 25 janvier à Montbrun Bocage:

• 15h30 : Accueil des participants à « La Maison citoyenne » Camin de totis
• Tout l’après-midi : stand de livres des Editions Letras d’Oc.
• 16h00 : Dictée tirée de l’œuvre « Sinèra e la mòstra d’òr » d’André LAGARDE
• 18h00 : Dins la sala polivalenta
  • Cantèra carbonesa
  • Cants de calandrons d’escolans de seccions bilingüas (jos resèrva)
• 19h00 Aperitiu.
• 19h30 : Repèish (lentilhas localas)-Concèrt-Bal òc (25€)
• 21h00 : Bal òc (10 €)

Concert de chants avec LAS ESTELETAS et bal avec TOTI TRES